Peruja shpallë gjendje të jashtëzakonshme në kufi me Ekuadorin

10:45 | 10 Janar 2024
R J

Trazirat në Ekuador ka bërë që qeveria e Perusë të shpallë gjendjen e jashtëzakonshme përgjatë kufirit me atë vend, ndërsa Brazili, Kolumbia dhe Kili shprehën mbështetje për qeverinë e Ekuadorit, raporton Reuters të mërkurën.

Ekuadori u përball me një seri incidentesh të dhunshme të martën, duke përfshirë njerëz të armatosur që sulmuan një studio televizive, pasi presidenti Daniel Noboa caktoi 22 banda si organizata terroriste dhe objektiva ushtarake.

Policia arrestoi 13 persona të armatosur që “pushtuan” studion televizive “TC” gjatë transmetimi të drejtpërdrejtë, ndërsa gjetkë të paktën shtatë policë u rrëmbyen dhe pati disa shpërthime në të gjithë vendin.

Noboa, i cili mori detyrën në nëntor duke premtuar t’i jepte fund dhunës së trafikut të drogës, shpalli gjendje të jashtëzakonshme 60-ditore të hënën në përgjigje të dhunës në burg. Fito, drejtuesi i bandës kryesore ekuadoriane Los Choneros, u arratis nga burgu të dielën. Kjo besohet të ketë nxitur trazirat.